T’ligsht kemi qillue
T’ligshta përpjekjet me u çkap
Sa herë t’avitem ti veç ma shumë gulçon
Me njimij’ dreqën n’kryet
Tândin
Témin
Përpjekjet po n’a shkojnë n‘lesh
Edhe leshin e kemi përzie

S’âsht edhe qi e ki bâ mendjen top
T’u bâftë e mu bâftë
U dâft’
E jotja
E jémja

Përpjekjet t’i çkyejnë rrezet e para të pranverës
Rreze sojnike
S’lâjn as nji fije hije harrese përmbas
As përpara
Teje
Meje

Vera nuk t’zhdërvjellë
Kryet zbutet karrshi diellit
Fshâmë lëshon gjini
I joti
I jémi

Lagështi vjeshtvet mjegullnajat
Lagun përpjekjet qull i bâjnë
Thue se s’kanë kenë kurrë
Tuat
T’mijat

Shpresa e fundit e motit, dimni
Tùnd përpjetë përpjekjet e përpëlituna
T’ligshta
T’mjera
Asht e rrasht me lanë
Tue ik
Ti
Unë

E me kuptue kurrë
Qi âsht lojë e t’fortëvet kjo
Takâti ka xân me t’lân
Ty
Mue